Prej maleve që qëndrojnë si roje mbi fshatin Tërbaç rrjedh një përrua i cili përfundon në lumin Shushicë. Uji i kristaltë dhe i ftohtë akull dredhon anës fshatit nëpër kodra e qetësohet në fushat e shumta, ku në verë bëhet edhe burim për rritjen e kullotave dhe shuan etjen e bagëtive.
Patërtia e ujit në këto ditë dimri është për t’u patur zili, por kjo situatë duket se nuk do vazhdojë gjatë.
Bashkë me ujin anës përroit janë dhe me mijëra qese plastike, thasë e lloj-lloj mbeturinash të tjera që destinacionin si fillim e kanë në Shushicë e më tej në det.
Pamjet tregojnë një situatë të trishtë, ku dora e njeriut bashkë me neglizhëncën e autoriteve shkatërron këtë perlë që nëse do dihej si të mbahej do të thithte të paktën qindra turistë.
Situata me mbetjet është e njëjtë kudo, në dy anët e përroit mes shkurrëve janë ngjitur edhe qset plastike./Gjurmon.al