Në Vlorë prej vitesh nuk ka më tren. Stacioni është braktisur dhe hekurudha po ashtu. Nuk ka më investime për këtë sektor, duke u shkatërruar një trashëgimi e ndërtuar për vite të tëra gjatë komunizmit.
Herë pas here në hekurudhën e ndryshkur që arin deri në qytet, duket ndonjë tren që tërheq ngarkesa me naftë, ndërsa për pasagjerë nuk mund të flasim, pasi bileta e fundit ka vite që është prerë.
Por edhe nëse do të kishte tren pasagjerësh do të ishte shumë vështirë që treni të mbërrinte në qytet.
Gjurmon.al gjatë vëzhgimi në fushën e mbetjeve në Vlorë, zbuloi se hekurudha ishte e bllokuar. Plehrat kishin mbuluar një pjesë të saj dhe treni vështirë se mund të kalonte mes tyre.
Pamjet flasin qartë për një situatë alarmante, ku çdo gjë po shkatërrohet e askush nuk kujtohet për të ndryshuar gjendjen ku ndodhen hekurudhat sot.