Gati tre vite nga mbërritja e tyre në Vlorë, dy TEC-et lundruese “Tigri 1” dhe “Tigri 3”, më në fund do të nxjerrin tym.
TEC-et lundruese, që shkaktuan shumë debate, duket se kanë nisur të prodhojnë energji, duke përmbushur kështu misionin për të cilin janë sjell në Vlorë.
Pavarësisht nisjes së prodhimit të energjisë, kontrata e nënshkruar nga ministria e infrastrukturës dhe energjisë, duket se është shkelur, pasi duhet të ishin në punë prej kohësh.
Vendosja e tyre në punë vjen në një kohë kur vendi nuk është në krizë energjetike, pasi marrja me qira e dy TEC-eve ishte pikërisht për të mbuluar nevojat në momentet kur ka krizë.
Mësohet se pavarësisht nisjes së prodhimit të energjisë, sërish dy TEC-et nuk janë në kapacitetin e tyre maksimal, madje nuk arrijnë as në gjysmën e prodhimit të kapacitetit të përcaktuar në projektin fillestar.