Dëgjesat publike me Bashkinë Vlorë në shumë raste janë kthyer në show, por shpesh herë kanë qenë edhe fiktive. Banorët e bashkisë ankohen se nuk marrin informacion në kohë kur ka dëgjesa dhe zëri i tyre nuk arrin të shkojë tek autoritetet.
Edhe dëgjesat e mbajtura gjatë shtatorit për buxhetin e vitit 2025 dhe atë afatmesëm, nuk kanë shkuar si duhet. Kryetari i Bashkisë Vlorë, sipas banorëve të zonës, ka zgjedhur që të mos përballet me duket ia deleguar këtë detyrë nënkryetarit të bashkisë Klevi Kaso.
Pavarësisht mungesës së Dredhës, nwnkryetari Kaso u përball me lum akuzash dhe sulmesh nga qytetarët e Rajonit Nr.5 të qytetit. Qytetarët shprehën pakënaqësinë ndaj bashkisë për mos mbajtjen e premtimeve, qoftë edhe për investime krejtësisht të vogla si vendosja e katër shtyllave të ndriçimit.
Banorët kanë ngritur shqetësimin për disa problem si: mungesa e ndriçimit në zonë mungesa e ujit të pijshëm, gjelbërimit dhe sidomos kanalizimet e ujërave të zeza.