Prej datës 5 nëntor, tuneli i Llogarasë nuk do të jetë më i hapur për mjetet që duan të shkojnë nga Vlora drejt jugut dhe anasjelltas.
Pas lehtësimit të qarkullimit gjatë verës, tashmë me ardhjen e dimrit, të gjithë ata që duan të shkojnë drejt jugut do të duhet të kalojnë nga qafa e Llogarasë ose siç quhet prej shoferëve “rruga e vdekjes”.
Autoriteti Rrugor Shqiptar ka njoftuar se tashmë të gjithë duhet të kalojnë nga rruga e vjetër, ku sa herë që bie dëborë, bllokohet ose është burim rreziku për këdo që kalon.
“🛣️Pas përfundimit të sezonit veror🏖️ku hapja e Tunelit të Llogarasë lehtësoi qarkullimin e mjeteve🚘si dhe shkurtoi kohën e udhëtimit✅ashtu siç ishte bërë me dije që në fillim, ju njoftojmë se:
⚠️Tuneli i Llogarasë, duke filluar që nga data 05.11.2024, do të jetë i mbyllur🛑me qëllim përfundimin e të gjitha punimeve të nevojshme për dorëzimin e plotë të këtij projekti📈”, njofton ARRSH.
Tuneli i Llogarasë pritet të rihapet sërish verën e vitit 2025, nëse përfundojnë të gjitha punimet sipas afateve të parashikuara.